Несовесен возач,со своето возило удрил и повредил жена додека преминувала на пешачки премин.
Според соопштението од МВР,на 12.04.2018 година во 14,00 часот во Секторот за внатрешни работи Охрид, Р.К.(69) од Охрид пријавила дека на 10.04.2018 година околу 12,00 часот на крстосницата–кружен тек од улицата „7-ми Ноември“ и булеварот „Македонски Просветители“, додека преминувала улица на пешачкиот премин била удрена од страна на непознат возач кој управувал непознато возило, при што паднала на коловозот. На 11.04.2018 година побарала лекарски преглед во болницата Свети Еразмо-Охрид, каде од страна на лекар и биле констатирани тешки телесни повреди.
Во врска со оваа сообраќајна незгода, портпаролот на СВР Охрид Стефан Димоски, вели дека увид на местото на настанот извршила увидна екипа од Полициската станица за безбедност на сообраќајот на патиштата Охрид, дека полицијата работи на пронаоѓање на несовесниот и нехуман возач и на целосно расчистување на случајот.