Општина Струга го решава проблемот со градската депонија. Фирмата за одржување со соодветна механизација ја уредува депонијата , па нема спалување, ниту проблеми.
Дел од сметот ќе се селектира, а дел ќе се балира и носи на депонијата „Дрисла“.
-„Веќе работиме на овој проект да балираме и да го пренесуваме оптпадот. Со новиот буџет одобрени се дел од средствата и ние како општина веќе исто така делиме поголем дел на средства да се справиме во целост со депониите“, вели градоначалникот Рамиз Мерко,
Во меѓувреме завршена е техничката документација за изградба на регионална депонија, обезбедени се 26 милиони евра од ИПА фондовите, спорна е само локацијата. Дебрца не дозволува да се гради депонија на нејзина територија.
– „Во поголемите градови во Европа имате собирен пункт сред град и сред град имате фабрика за согорување или селекција. Тоа сме го виделе во многу европски градови. Сред град е воопшто не загрозува човечки животи“, вели Мерко.
Според експертите изградбата на современата регионална депонија ќе чини околу 200 милиони евра и нема да има никакви псоледици ниту по животната средина, ниту по човечките животи, а ќе донесе голем број вработувања.
Новинар Соња Рилковска
Канал 5 ТВ