Тој, заедно со премиерот Христијан Мицкоски и градоначалникот на Дебрца, Златко Сиљаноски, изврши увид во реконструираниот локален пат Мешеишта – Волино и на улицата во Волино, на потегот кон манастирот „Света Петка“.
Николоски нагласи дека со реконструкцијата на патот Мешеишта – Волино се подобрува локалната патна мрежа и се обезбедува поквалитетна сообраќајна поврзаност на населените места со автопатот Охрид – Кичево, што ќе придонесе за побрз транспорт, подобра безбедност и развој на регионот.
Овој проект во селото Волино го работевме заедно со општина Дебрца, со поддршка на Светска Банка преку една проектна линија којашто ја имаме обезбедено од Светска Банка и која што значи завршување на локални улици низ многу населени места во државата. Исто така претходно бевме на влезот на село Мешеишта, а кога бил правен проектот за автопатот Охрид-Кичево, за жал не беа предвидени нити пристапни патишта, нити паралелни патишта, ниту клучки, нити потпатници, ниту надпатници и на тој начин најголем дел од селата коишто се од левата и од десната страна на автопатот беа, односно требаше да бидат отсечени и од Охрид, од Струга, од Кичево и од Скопје.
При посетата беше истакнато и дека градежните работи на автопатот Охрид – Кичево се одвиваат со засилена динамика, а очекувањата се делницата да биде завршена и пуштена во употреба најдоцна во првиот квартал од следната година.