Со цел да им се донесе радост и насмевки на сите дечиња, хуманитарната акција „Пакетчиња за сите дечиња – СЕЗОНА 6“ ги повикува компаниите и граѓаните да се приклучат и да бидат дел од празничната магија.
Организаторите апелираат за две форми на поддршка: донација во пакетчиња и финансиска донација. Пакетчињата може да се достават од 16 декември 2025 година во Касарна Охрид – Младински центар, а за дополнителни информации, граѓаните можат да се обратат со порака до организаторите.
Финансиските донации, пак, се можни преку сметка за физички лица со назнака „За пакетчиња“ (240127018636492), додека компаниите можат да контактираат директно за информации околу сметката на здружението.
Организаторите истакнуваат дека секоја донација, без разлика на големината, прави огромна разлика и им овозможува на дечињата да уживаат во магијата на празниците. За сите прашања и дополнителни информации, граѓаните можат да контактираат со Бате Wik Kakarotski.
„Ајде заедно да создадеме уште една успешна сезона полна со љубов и великодушност!“, велат организаторите, додавајќи дека оваа хуманитарна иницијатива веќе петта година по ред носи насмевки на најмалите.
„Пакетчиња за сите дечиња – СЕЗОНА 6“ – станете дел од празничната магија!