Претседателот на Советот на Општина Охрид, Перчо Божиновски, денеска учествувал на прекугранична тркалезна маса во Тушемишт, Албанија, посветена на спречување и борба против насилен екстремизам и радикализација.
Фокусот на настанот бил ставен и на онлајн радикализацијата како современ безбедносен предизвик, при што учесниците размениле искуства и пристапи за справување со овие појави.
Организатори на тркалезната маса се ОБСЕ во соработка со Националниот комитет за спречување на насилен екстремизам и борба против тероризмот на Република Македонија и Координативниот центар за борба против насилниот екстремизам во Република Албанија.
Во својата објава, Божиновски истакнува дека поблиската прекугранична соработка на Општина Охрид е од суштинско значење за ефикасно справување со новите ризици, како и за промовирање кохерентни одговори и размена на добри практики.
Настаните од ваков тип придонесуваат кон зајакнување на регионалната соработка и безбедност.
