Првите холандски туристи слетаа на охридскиот аеродром

Денеска, на охридскиот аеродром „Св.Апостол Павле“,  со чартер лет на холандскиот туроператор Корендон од Амстердам, во Охрид, пристигнаа првите 150 холандски туристи. Во 10 часот денеска, на охридскиот аеродром, слета авион од најновата серија на „Боинг Маx“ каде, првите холандски туристи беа пречекани од претставници на туристичката агенција „Фибула Травел Македонија“, партнер на туристичкиот оператор „Корендон“ од Холандија.

Од денеска се до октомври, ќе има три директни чартер летови неделно од Амстердам до Охрид а околу 690 холандски туристи неделно ќе престојуваат на охридско-струшката ривиера. Нивните пакет аранжмани се на база на 7, 10, 11 и 14 дневен престој. Холанѓаните, години со ред, се едни од најбројните туристи кои летуваат на охридско-струшкото крајбрежје и остваруваат најголем број ноќевања.

Здружената алијанса на туристички оператори од Македонија, денеска во струшкиот хотел „Изгрев“, имаа средба со повеќе претставници од авио компанијата „Ербалтик“ од Рига-Латвија  и 10 други тур оператори од Латвија, Естонија и Литванија.
Целата на состанокот е евалуација на фам информативното туристичко патување низ земјава, наменето за повеќе претставници од авио компанијата „Ербалтик“ од Рига-Латвија  и тур операторите од Литванија, Латвија и Естонија со кое, тие ги запознаа убавините на Македонија.  Фам информативното патување, отпочна на 10-ти и ќе трае до 14-ти овој месец кога е предвидено, претставниците на странските тур оператори да посетат и други значајни туристилки дестинации во Македонија.

„Фибула Травел Македонија“, „Симониум травел“ и „Балкан прајм турс“, ќе соработуваат за посилна промоција на Македонија и на охридско-струшкото крајбрежје како атрактивна туристичка дестинација што доаѓа по неодамна воспоставената редовна авио линија Рига-Скопје на која, според постигнатиот договор, ќе се лета до ноември годинава, со можност да биде продолжена и понатаму.
Social profiles

Охрид

Струга

Вевчани