Градежните работи за реконструкција на вториот дел од локалната улица „Ќитано Плевне – Бебекој“ во Вевчани се во завршна фаза. Според информациите објавени од градоначалникот на Општина Вевчани, Спасе Кочовски, во наредните денови е предвидено завршно асфалтирање на улицата.
Со реализацијата на овој инфраструктурен зафат се очекува подобрување на условите за сообраќај и побезбедно движење на жителите во овој дел од Вевчани. Локалните власти посочуваат дека проектот е дел од активностите за унапредување на патната инфраструктура во општината.
