Поради обилни врнежи од снег, воведена е забрана за тешки товарни возила на превојот „Стража“.
На планинскиот превој Стража поради врнежи од снег од 19:10 часот се воведува забрана за сообраќај за тешки товарни возила.Претходно Автомото сојузот на Македонија соопшти дека сообраќајот на државните патишта се одвива по претежно влажни коловози, а врнежи од слаб снег има на Попова Шапка, Стража, Маврово, Крушево, Буково, Ѓавато, Плетвар и Пресека.Интензитетот на сообраќајот на патните правци надвор од градските средини е умерен, а на граничните премини нема подолги задржувања за влез и за излез од државата. Оваа информација се однесува само за македонската страна на премините.