На 21.04.2026 година во 11:00 часот, во парк во Охрид, полициски службеници од Отсекот за недозволена трговија со дрога и оружје при СВР Охрид го лишиле од слобода Б.Х. (51) од Охрид.
При преглед кај него била пронајдена и одземена бела грутчеста материја.
Подоцна, по наредба од Основен суд Охрид, бил извршен претрес во неговиот дом и помошните простории, при што биле пронајдени и одземени:
- автоматска пушка со рамка со 20 куршуми
- пиштол „Пиетро Берета“ калибар 7,65 мм со рамка со три куршуми
- револвер без сериски број и ознаки
Лицето е задржано во полициска станица, а по целосно документирање на случајот против него ќе биде поднесена соодветна пријава.