На 24.03.2026 во 23:00 часот, во охридско, полициски службеници од СВР Охрид го лишиле од слобода Г.Ц. (44) од охридско, постапувајќи по претходна пријава од неговата 44-годишна сопруга.
Според пријавата, околу 20:00 часот во семејниот дом, пријавениот физички го нападнал нивниот 10-годишен син, и покрај тоа што против него имало решение од 19.06.2025 година со заштитни мерки во траење од 12 месеци, со кое му било забрането да врши физичко и психичко насилство врз неговата сопруга и нивните деца.
Според пријавеното, тој и претходно се заканувал на неговата сопруга и нејзината мајка.
По целосно документирање на случајот, ќе следува соодветна пријава.