Двајца вешти крадци деновиве „паднаа“ во мрежата на струшката полиција.
Полициската станица од Струга деновиве фати двајца крадци што краделе низ Струга.Тие заработија кривична пријава. Поради постоење основи на сомнение за сторени две казнени дела „тешка кражба“ и едно казнено дело „тешка кражба во обид“, полициската станица од Струга, до надлежното Јавно обвинителство поднесе кривична пријава против С.О.(27) од Струга и против П.С.(27) од струшкото село Брчево.
Стефан Димоски, портпарол на СВР Охрид, вели дека пријавените, казнените дела ги сториле на трети март оваа година во временски период од 00,00 до 06,00часот во Струга, најнапред во маркет лоциран на улицата „Маршал Тито“, во бутик на кеј „Борис Кидрич“ а потоа и во угостителски објект на кеј „8 ноември“.
-Во извршувањето на казнените дела, пријавените користеле подесен алат со кој ги кршеле катинарите и бравите од влезните врати а потоа насилно ги отворале. Од маркетот и бутикот, двајцата пријавени одзеле пари, цигари, лап топ компјутер и разна машка облека.Со извршувањето на казнените дела, сега пријавените се стекнале со противправна имотна корист од 116.000,оо денари, информира портпаролот Димоски.