За прв пат во Вевчани денес не се одигра Василичарското оро. Радоста и вревата на Вевчанскиот карневал, исчезна поради трагичната смрт на 19 годишното момче, синот на поранешниот пратеник Крсто Мукоски, кој синоќа загина во тешка сообраќајна несреќа.
Карневалот го предводеа зурли и тапани, но со едноминутно молчење на плоштадот Василичарите оддадоа почит на прерано згаснатиот живот. Општината и угостителските објекти ја откажаа музиката.
Василичарите велат и покрај трагедијата остануваат верни на традицијата испратија, досетливи пораки од најстарата карневалска манифестација.
-За овие изминати 30 години преокупација на политичарите им беше се ова што е напишано. 0050 Почнувајки од врвот па се до дното“, вели еден василичар.
-„Живот во македонија, среќата добивка, така дојде државата нема услови не дава пари ние си ја бараме среќата на машините државна лотарија на Македонија“,
-„Јас сум генерал Стојанче Агелов моментално сум во Вевчани по можност да ги избракме мечките да им кажеме дека овде нема храна овде има вино и ракија“
Мештаните и посетителите велат не паметат ваква тажна Василица.
-Јас имам 80 години ваква трагедија не паметам. Многу сме тажни, вели повозрасен жител на Вевчани.
Илјадници посетители беа дел од Вевчанскиот карневал, познат по уникатните пагански обичаи и ритуали кои се сметаат за традиција стара 1400 години.
Новинар Соња Рилковска
