Охриѓанец започнал да гради куќа без да обезбеди одобрение за градба.Тој добил забрана за градба и кривична пријава.
Според полициското соопштение, поради постоење основи на сомнение за сторено казнено дело „бесправно градење” и „симнување или оштетување на службен печат или знак”, СВР Охрид поднесе кривична пријава против М.Ѓ.(32) од Охрид.Тој, во текот на минатиот месец на сопствено земјиште на катарстарска парцела 8123 на улицата „Стив Наумов” во Охрид, започнал градежни активности без да поседува одобрение за градба издадено од надлежен орган. Од страна на градежен инспектор, извршен е инспекциски надзор, донесено е решение за затворање на градилиштето и поставени се соодветни ознаки. И покрај тоа, но и спротивно на Законот за градење, сега пријавениот продолжил со изведување на градежните работи, по што било донесено решение за отстранување на градбата.