Со церебрална парализа извози од Свети Наум до Охрид

Васил Јанкула, Македонецот од Мала Преспа,   кој боледува од целебрална парализа успеа да ја извози 30  километри долгата  патека на охридскиот маратон. 

Тешката патека од Свети Наум до Охрид, полна со угорници и падови, вчера  не го спречи Јанкула со своето храбро срце да успее до целта. 

Неговата желба посилна од неговото тело кое со години се бори со тешката болест. 

Васил Јанкула беше дел на 32-рото издание на Охридскиот Меѓународен Атлетски Маратон, што се одржа вчера за 8-ми септември Денот на независноста на Република Македонија.