Во изминатото деноноќие не се регистрирани починати пациенти како последица на ковид-19.
Министерството за здравство (МЗ) денеска информираше дека Институтот за јавно здравје регистрирал 17 оздравени пациенти. Во изминатите 24 часа, пак, потврдени се нови 21 случај на новиот коронавирус, односно, регистрирани се 12 случаи во Скопје, пет случаи во Тетово, три во Куманово и еден случај во Штип.
Во изминатото деноноќие се направени вкупно 258 тестирања. Од вкупниот број направени тестови во изминатото деноноќие, 13 теста се во рамките на скринингот, велат од министерството, и додаваат дека не се регистрирани позитивни случаи на Ковид-19.
На Клиниката за инфективни болести и фебрилни состојби во изминативе 24 часа примени се 3 нови пациенти, хоспитализирани се вкупно 54 пациенти, а на кислородна поддршка се 20, на механичка вентилација се 3 пациенти, се додава во соопштението на МЗ.