Изминатиот период во услови на пандемија приходите на угостителите се намалени од 30 до 50 отсто во однос на приходите реализирани во времето пред пандемијата, велат од Независна Угостителска Комора.
-Жално е што досега Владата и покрај сите наши укажување на последните донесени мерки за ограничувањата и забраните на работењето на угостителските објекти не најде за сходно реално да ги согледа штетите и загубите што ги нанесе на угостителите и донесе мерки за субвенција, финансиска помош и поддршка на угостителите. Се надеваме дека новата Влада на првата седница ќе има сенс и нема да ги игнорира нашите укажувања за континуитет од финансиски мерки и субвенции и по кратка постапка веднаш ќе донесе нови мерки за неповратна финансиска помош и поддршка на угостителите со која ќе ни помогне реално да ги издржиме и намалиме загубите и штетите кои ги трпиме како последица од мерките за работа на угостителските објекти од пандемијата со ковид-19, информираат од НУК.