Општина Охрид објави јавен повик за доделување субвенции за купување велосипеди, со цел поттикнување на користење еколошки превозни средства и намалување на сообраќајниот метеж.
Право на учество имаат граѓаните на Општина Охрид кои ќе купат нов велосипед, а субвенцијата ќе се доделува по принципот „прв дојден – прв услужен“, сѐ до исцрпување на предвидените средства.
Апликантите треба да достават:
- барање за субвенција,
- копија од лична карта,
- фискална сметка или фактура за купен велосипед,
- извод од банка за извршена уплата.
Барањата се поднесуваат во архивата на Општина Охрид или по електронски пат, согласно условите наведени во јавниот повик.
Од локалната самоуправа апелираат граѓаните да ја искористат можноста и да придонесат кон поздрава животна средина и поголема употреба на алтернативен превоз.