Општина Вевчани доби нов хидрауличен мини багер, набавен преку проект финансиран од Центарот за развој на Југозападниот плански регион, кој ќе биде ставен во функција на потребите на Општината и Јавното претпријатие „Еремја“.
Како што информира градоначалникот Спасе Кочовски, новата механизација ќе овозможи поефикасно извршување на комуналните активности, побрза реализација на инфраструктурните проекти и понавремено одржување на јавната инфраструктура.
Со набавката, ќе се подобрат условите за работа на ЈП „Еремја“, а граѓаните ќе добијат поквалитетни и поефикасни комунални услуги. Од Општина Вевчани најавуваат дека и понатаму ќе продолжат со инвестиции насочени кон подобрување на локалната инфраструктура и услугите за граѓаните.
