Од печат излезе новата научна книга на археологот и нумизматичар Даница Размовска Бачевска со наслов „Плаошник – Охрид: Депо на монети на Иван Асен II Цар на Бугарите и Солунско – Епирските владетели XIII век“.
Во книгата се обработува значајниот монетен депозит откриен на археолошкиот локалитет Плаошник во Охрид, кој содржи монети од времето на Иван Асен II, како и монети од солунско-епирските владетели од XIII век.
Изданието ги анализира потеклото, типологијата и историскиот контекст на монетите, кои претставуваат значаен археолошки и историски извор за проучување на средновековната монетарна историја на Охрид и поширокиот регион.
Авторката Даница Размовска Бачевска е долгогодишен археолог и нумизматичар, автор на бројни научни трудови и книги од областа на нумизматиката.