Вечерва во Струга ќе биде одржана годишната изложба на ликовните уметници од градот.
Традиционалната, 12-та по ред годишна изложба на струшки ликовни уметници, ќе биде отворена вечерва во 19:30 минути во Националната Установа- Центар за култура „Браќа Миладиновци“ во Струга.Со свои дела ќе се претстават повеќе уметници од помладата и средната генерација на ликовни творци од Струга. Авторите творат во повеќе медиуми. Ќе бидат изложени делата на: Викторија Попоска, Милко Нестороски, Кристина Затуровска, Ангела Ѓонческа, Даме Затуровски, Роберт Паноски, Славица Панова и Христијан Томаноски.Годишна изложба на струшки ликовни уметници е проект со финансиска поддршка од Министерството за култура на Република Македонија. Влезот за сите посетители е бесплатен.