На вчерашната седница Владата го прифати предлогот на Министерството за транспорт и врски за пренамена на средства од проектот за национални патишта во висина од 86 милиони евра за реконструкција на 26 регионални патни правци во вкупна должина од 422 километра.
Во соработка со ЈП за државни патишта ќе започнеме еден инвестициски циклус во кој ќе реконструираме 26 патни правци и тоа регионални патишта и автопатски делници во вкупна должина од преку 420 километри, рече денеска министерот за транспорт и врски Горан Сугарески на прес конференција, на која ги образложи сите патишта кои во нарениот период ќе бидат реконструирани.
На долгата листа нови и реконструирани патишта го нема експресен пат Охрид Пештани, ниту автопатот Требеништа Струга.
Единствен пат во рпограмата на новата влада за регионот е реконструкција на патен правец Подмоље-Струга-Ќафасан должина 19 км, проценета вредност 3 милиони евра.