Матурантите денеска ќе танцуваат

Балот на матурантите-Матурската парада 2017, денеска ќе се одржи точно на пладне,на градскиот плоштад „Св. Климент Охридски“.

Матурантите од средните училишта во Охрид, горди и достоинствени, во сини и жолти маички ќе го играат матурскиот квадрил, заедно со своите врсници од Македонија но и од шеесетина градови на Централна и Југоисточна Европа.„Матурската парада 2017“ во Општина Охрид е единаесетта по ред, а годинава ќе танцуваат и матурантите од Струга, Струмица и Гевгелија. Точно на пладне со посредство на Македонското радио ­ Радио Скопје ќе биде преземен сигналот од Радио Словенија од каде доаѓа музиката од Штраусовата опера „Лилјакот“, на која матурантите ќе гo танцуваат квадрилот.Парадата на матурантите почна да се организира во 2001 година во Љубљана, а во Македонија првпат се одржа во 2007 година во Скопје и во Охрид.