Во Центарот за култура „Григор Прличев“ во Охрид на 13 јуни 2026 година (сабота) во 20 часот ќе биде отворена самостојната изложба на уметницата Славица Танеска, насловена „Борба без победник – отворено дело на преобразби и раскол“.
Станува збор за нејзина 13-та самостојна изложба, која повторно се враќа во истиот простор каде што и започна нејзиниот изложбен пат во Охрид.
Изложбата ќе ја отвори Славко Упевче, а уметницата упатува покана до публиката да присуствува во што поголем број, истакнувајќи дека оваа поставка за неа претставува едно од најзначајните и најлични уметнички остварувања досега.
Посетителите се поканети да бидат дел од отворањето и да ја доживеат најновата уметничка приказна на Танеска.