Охрид доби нови капетани – заповедници на брод и морнари, откако денеска дваесеттина лица полагаа теоретски и практичен дел од испитите за стекнување звања во внатрешната пловидба.
Со ова се зајакнува безбедноста и професионалноста во езерскиот сообраќај, особено во пресрет на туристичката сезона, кога пловидбата на Охридското Езеро е значително поинтензивна.
Новите капетани, односно заповедници на брод, и морнари се стекнаа со неопходни знаења и вештини за управување со пловни објекти, почитување на пловидбените правила и безбедноста на патниците.
Се очекува нивното ангажирање да придонесе за повисоки стандарди и подобра организација во езерската пловидба на Охридското Езаро.