Точно напладне, во празнична атмосфера и со многу насмевки, охридските матуранти ја одбележаа традиционалната Матурска парада. На градскиот плоштад околу 350 матуранти од средните училишта во Охрид го одиграа препознатливиот Квадрил, со што симболично ставија крај на средношколските денови и го означија почетокот на ново животно поглавје.
Со синхронизиран танц и позитивна енергија, младите охриѓани уште еднаш беа дел од меѓународната манифестација која ги обединува матурантите од повеќе европски градови, испраќајќи порака за младост, пријателство и заедништво.
На матурантите им се обрати и претседателот на Советот на Општина Охрид, Перчо Божиновски, кој порача дека завршувањето на средното образование е само почеток на новите предизвици и можности. Колку ќе ги раширите крилјата кои ние ви ги дадовме преку образованиот процес, колку и каде ќе слетате зависи само од вас и никој друг“, истакна Божиновски. Тој им порача на младите дека најважно е пред сè да станат добри луѓе, чесни и достоинствени.
ФОТО РЕКС Охрид