Општина Охрид објави јавен повик за користење на финансиски средства од општинскиот буџет, наменети за субвенционирање на даватели на туристички услуги во селски, етно и еколошки туризам.
Финансиската поддршка се обезбедува во рамки на Програмата за поттикнување на развојот на туризмот за 2026 година, со цел да се унапреди туристичката понуда и да се поттикне развојот на алтернативните форми на туризам.
Од општината информираат дека јавниот повик ќе трае 15 дена од денот на објавување, односно до исцрпување на предвидените средства.
Со оваа мерка се очекува да се поддржат локалните даватели на услуги и да се стимулира развојот на руралниот, етно и еколошки туризам, како значаен сегмент од туристичката понуда на Охрид и регионот.