Утрово, по налог на јавен обвинител, уапсен е Митко Чавков, поранешен директор на Бирото за јавна безбедност во МВР.
Отворена е истрага против него за насилствата од 27 април во Собранието.
Чавков досега не беше повикан на распит во Обвинителството за организиран криминал, туку во утринските часови беше затекнат и уапсен од полициските екипи.
Приведени се уште 15 -тина лица меѓу кои пратеници и граѓани кои се најдоа на 27 април во Собранието.
Помеѓу нив се и актерот Владо Јовановски, Горан Ангелов – Ќосето од Велес, пратеничката Жаклина Стефановска, пратеникот Крсто Муковски. На разговор во полиција бил повикан и пратеникот Љубен Арнаудов од Охрид, кој со полициска придружба е сипратен за Скопје. Полицијата го барала и Сашо Василески но тој бил недостапен.