Продолжува санацијата на Заливот на коските во Градиште.
Продолжуваат активностите околу санацијата на оштетувањата на праисториските куќи од наколната населба ‘’Заливот на коските’’, предводена од стручни лица при Н.У.Завод и Музеј Охрид. Во наредниот период ќе се работи на поправки на оштетените делови, односно на подовите и ѕидовите од праисториските куќи. При посетата на музејот, самите посетители ќе имаат можност одблиску да се запознаат и со изведувањето на конзервацијата на куќичките. Конзерваторските активности се реализираат под раководство на Ванчо Димоски, конзерватор при Н.У. Завод и Музеј – Охрид.
