Следниот петок во Europe House Struga ќе бидат промовирани новите едукативни прирачници за Споменикот на природа Вевчански извори.
-Ве очекуваме на оваа промоција каде ќе имаме можност да слушнеме повеќе за значењето и примената на овие прирачници од страна на стручни лица од областа на образованието и заштитата на природата. Вашето присуство и учество во дискусиите ќе биде од големо значење за поттикнување на образовниот развој и еколошката свест меѓу младите, повикуваат од Еко свест Вевчани.
Прирачниците се изработени од Еко-свест како дел од проектот Поддршка на одржливо управување со Споменикот на природа Вевчански Извори, спроведуван од преку локалната канцеларија на Еко-свест во Вевчани, а финансиран од Prespa Ohrid Nature Trust – PONT.