Тереза Кесовија: Вевчани е центарот на светот

Прекрасната дива Тереза Кесовија се вљуби во Вевчани.

На денешната прес конференција пред новинарите кажа дека за неа Вевчани е центарот на светот. 

– Вевчани ецентарот на светот. Тоа ми го кажа Горѓи, сопственикот на ресторанот Виа Игнација, а јас му верувам. Никогаш претходно не сум била овде но можам да кажам дека е прекрасно, преубава природа. Има нешто неверојатно што мене ме потсеќа на мојот роден крај. Додека патувавме наваму од едната страна е прекрасното езеро, а од друга страна полиња, прекрасни планини, божествена природа која ми буди поинакво чуство како да сум во рај, рече Кесовија.

Публиката во цела Македонија ми е многу драга, рече Кесовја, која зад себе има 56 години искуство на музичката сцена. На своите 79 години таа и денес е прекрасна, физички активна но и премногу позитивна и насмеана.

– Во времето на бивша Југославија, многу често имав настапи во Македонија. Колку години изминаа, а мене ми се чини како да не беше ногу одамна, Многу сум среќна,  знам дека ништо не е случајно па дури и моето доаѓање овде во Вевчани не е случајност. Дојдов со едено неверојатно чувство дека овдешните домаќини не само што се неверојатно добри луѓе туку и дека таа добрина ја пренесуваат на сите, вели Кесовија, која  признава дека се вљубила во пречекот што и го приредија надалеку прочуените добри домаќини – вевчанците.

Навраќајки се на минатото, како било на музичката сцена во споредба со денес, искусната певица вели порано се внимаваше на квалитет а денес на други поинакви вредности. 

-, Во минатото за да се биде пејач мораше да се има глас и талент, но и да се учи, а денес младите внимаваат само на своето тело и облека….. Има квантитет но нема квалитет, вели Кесовија. 

На прашањето дали се чуствува како ѕвезда таа скромно одговори:

„Не сум ѕвезда, ѕвездите се на небото. Јас сум обичен човек кој има талент од Бога и со љубов ја работи својата професија“.

Хрватската дива вечерва ја отвора ликовната колонија Вевчански видувања во општина Вевчани, која традиционално се одржува во реномираниот ресторан Виа Игнација.