Управниот суд ги отфрли жалбите на Алијанса за Албанците за изборниот процес од 29 октомври во Струга.
Со овој потег на Управен суд се потврди резултатот од гласањето, каде што победи кандидатот на ДУИ, Рамиз Мерко. Воедно Управен не ги прифати жалбите ниту на Движењето Беса и на Народното движење на Македонија.
Вкупно имаше 16 жалби до Управниот суд, од кои 11 на Алијанса за Албанците на Зијадин Селa, четири од Движењето Беса и една од НДМ. Претходно, Државната изборна комисија ги отфрли сите жалби поврзани со вториот круг од локалните избори.