Денеска во Струга отпочна 46 ракометен турнир.
На ракометното игралиште на отворено познато како теренот кај „Женска плажа“ во Струга и оваа година ќе се одигруваат натпреварите од ракометниот турнир „Струга 2018“. Годинава за првпат на турнирот ќе настапат осум екипи, кои ќе бидат поделени во две групи, а покрај пет дневната програма во сабота на 18.август ќе се одигра Супер купот на Македонија меѓу Вардар и Металург.Организаторот на турнирот РК Струга и претседателот на клубот Наумче Мојсовски направија големи напори, па меѓу првите екипи кои прифатија да гостуваат беше поранешниот европски шампион Цеље.
Распоред на натпреварите:
15 август – среда: Железничар – Струга (почеток 17:30 ч.), Констанца – Алингсас (19:15 ч.), Цеље – Еурофарм Работник (21 ч.).
16 август – четврток: Бешикташ – Еурофарм Работник (17:30 ч.), Железничар – Алингсас (19:15 ч.), Целје – Тулуз (21 ч.).
17 август – петок: Струга – Алингас (17:30 ч.), Железничар – Констанца (19:15 ч.), Тулуз – Бешикташ (21 ч.)
18 август – сабота: Струга – Констанца (10 ч.), Еурофарм Работник – Тулуз (17:30 ч.), Целје – Бешикташ (19:15 ч.), Супер куп на Македонија / Вардар – Металург (21 ч.).
19 август – недела: Натпревар за седмо место (10 ч.), натпревар за петто место (17:30 ч.), натпревар за трето место (19:15 ч.), ФИНАЛЕ (21 ч.).