До јубилејното 10. по ред издание на фестивалот „Love & Happiness“, закажано на 22 јули на најубавата одхридска плажа Градиште остана уште малку.
Во моментов во тек се последните подготовки за маратонската журка во чии рамки може да очекувате забава на три плажи, светски и домашни диџеј имиња,пена забава, огномет… и уште неколку изненадувања! Германскиот диџеј и продуцент Том Крафт, „Електрик јуниверс“, Том Боксер и Морена, како и Бушава азбука, Бранчез, Навигатор, Дејан Доги и Сателит, кои ќе бидат домашна поддршка на настанот, е нашиот музички избор за 10. јубилејно издание на фестивалот „Love & Happiness“.
Фестивалот ќе се случува на сите три плажи, односно Градиште 1, 2 и 3, а журките на сите три плажи започнуваат во 21 часот. Она што треба да се знае е дека билетите во претпродажба чинат 400 денари, додека на врата на денот на одржување на фестивалот се речиси двојно поскапи, односно ќе чинат 600 денари. Бројот на билетите кои се пуштени во претпродажба е ограничен – затоа побрзајте!
Местата на кои можете да набавите влезници се преку мрежата на „Купи карти за сè“, станица Стража (ново место за одмор на превојот Стража, кој нуди вистинско уживање за сите кои сакаат да земат здив од патувањето од Скопје до Охрид и обратно), плажата Градиште, „Острово“ – Свети Наум и ланџ бар „Ноа“ во Охрид.
Извор: radiomk.com