Со цел зголемување на безбедноста во сообраќајот, во периодот од 05.03 до 08.03.2021 на подрачјето на СВР Охрид била спроведена засилена контрола на возачи и возила учесници во сообраќајот.
Притоа, полициските службеници констатирале 136 прекршоци меѓу кои: 37 пречекорувања на дозволената брзина на движење, 03 случаи на непрописно престигнување, 4 технички неисправни возила, 3 случаи на управување возило без важечка возачка дозвола, 5 случаи на разговор на мобилен телефон во тек на управување моторно возило… Полициските службеници одзеле 4 моторни возила поради истечена важност на сообраќајната дозвола подолго од 6 месеци. Во текот на контролата, кај 11 возачи било утврдено присуство на алкохол по што веднаш биле исклучени од сообраќај. За сите прекршоци изготвени се соодветни санкции.