15 евра хотелско ноќевање во Охрид за Водици

15 евра ноќевање со појадок за Водици во Охрид. И годинава охридските хотелиери излегоја со примамливи дисконтни понуди за големиот христијански празник. 

Целта е да се привлечат што е можно повеќе туристи од земјава и регионот. 

-Со оглед на тоа што празникот е во викенд, очекуваме голем број гости од земјава и од странство и исполнети сместувачки капацитети. Со цел да ги поддржат богојавленските чествувањa и да придонесат за поголем број на гости, охридските хотели и годинава нудат сместување по симболична цена од 15 евра по лице за сместување на ден, во периодот од 16-ти до 20-ти јануари. Исто така во насока на збогатување на содржините за гостите, во рамки на празничната програма, Општина Охрид организира и голем концерт на балканската музичка ѕвезда Петар Грашо, кој ќе се одржи во пресрет на Водици на 18-ти јануари со почеток во 20 часот на Градскиот плоштад, информираше градоначалникот Георгиески.

На задоволство на гостите за пранзикот Охрид организира концерт на Петар Грашо на охридскиот плоштад.