Владата го менува законот за возила: ќе се воведуваат еколошки налепници и посебни таблици за таксистите.
Министерството за економија подготвува измени на Законот за возила, oбјавено е на Единствениот електронски регистар на прописи. Со предложените законски измени се воведуваат посебни таблици за такси-возилата и се воведуваат еколошки налепници за возилата.
„Предлог-законот има за цел да ги уреди постапките за остварување на заштитата на правата и правните интереси на физичките лица, правните лица, како и заштитата на јавниот интерес по кои се должни да постапуваат министерствата, органите на државната управа, правните лица и физичките лица, на кои со овој закон им е доверено да вршат јавни овластувања“, пишува во образложението на Министерството за економија.