Вечерва концерт на ZUCCHERO во Охрид.
За прв пат во Македонија, доаѓа една од најголемите италијански ѕвезди и сигурно еден од најдобрите европски вокали ZUCCHERO со своето best of шоу.
ZUCCHERO можеби е најпрепознатлив по својот карактеристичен блуз вокал со кој ги создаде хитовите како „Baila Morena“, „Senza Una Donna“, „Dune Mosse” “Diamante”, “Il volo” и други.
Но ZUCCHERO е уникатен по тоа што е пејач којшто има зад себе остварено соработка со неверојатен број на исклучителни артисти, па всушност во Охрид ни доаѓа човекот кој во својата кариера соработувал со Miles Davis, Eric Clapton, Ray Charles, Sting, Texas, Queen, Peter Gabriel, Mark Knopfler, John Lee Hooker, Joe Cocker, Jeff Beck, Iggy Pop, Elvis Costello, Bryan Adams, Bono Vox, BB King, 2 Cellos, Ennio Morricone, Andrea Bocelli и други.
Поради најавите од дожд и невреме концертот наместо на Антички театар ќе се одржи вечерва во спортската сала „Билјанини извори“.