Пред малку на патот Охрид Кичево во близината на селото Оровник се случи сообраќајна несреќа.
Од засега непознати причини во десет часот утрово се судриле автомобил марка „југо“ и комбе на превозникот „Омега Експрес“.
Сообраќајката е случена токму на влезот за селото Оровник. Судејќи според фотографиите на очевидецот – репортер на Охриднет нема тешко повредени. Патниците стојат пред судрените возила и чекаат нов транспорт.
Полицијата ќе изврши увид на лице место за утврдување на причините за несреќата.
