Жители на Горно Лакочереј се јавија во редакцијата на Охриднет со поплаки од јавното претрпијатие „Проаква“
Тврдат дека десет денови немаат вода во селскиот водовод. Секојдневно се јавувале во „Проаква“ , но наместо решение добивале шеговити одговори.
-„Кој век сме ние надвор да одиме на маалски бунари по вода? Две недели е состојбата ваква. Прво се јавувавме во „проаква“ ни велеа ќе видиме, го запишуваа проблемот, а потоа почнаа да бијат шега со наа – „топете снег ете ви вода“, одговараа со потсмев. Од вчера веќе ни телефон не ни креваат. Ни остава да апелираме преку Вас медиумите. Апелираме до локалната власт да преземи мерки! , вели читателка на Охриднет во телефонскиот разговор.