Два камиони и еден автомобил се судриле кај „Буково“ а еден е повреден.
Утрово околу 7 часот, на планинскиот превој „Буково“ се случила тешка сообраќајна незгода во која еден маж е, за среќа, полесно повреден. Во сообраќајката учествувале два камиони и еден автомобил. Повредениот бил возач на автомобилот, кој бил пренесен во болницата „Св.Еразмо“.
Стефан Димоски, портпарол на СВР Охрид,ја потврди сообраќајната незгода помеѓу две товарни моторни возила и еден патнички автомобил и кажа дека, во тек е увид поради што сообраќајот на патниот правец се одвива наизменично по една коловозна лента. Димоски, повеќе информации најави во текот на денот, по завршување на увидот.