Управител на „Балкан нет“ фалсификувал документи од туристички водич од Охрид.
Поради постоење основи на сомнение за сторени казнени дела „фалсификување или уништување деловни книги” и ,,злоупотреба на лични податоци“, Секторот за внатрешни работи Охрид, до надлежното Јавно обвинителство, поднесе кривична пријава против Д.Ч.(30) од Прилеп и против правниот субјект „Балкан Нет“ Туроператор ДООЕЛ Скопје подружница Струга.
-На 24 јануари минатата година, пријавениот Д.Ч. како управител и во име на пријавеното правно лице, во деловен договор за давање услуги за туристичко водење и придружување, од туристички водич од Охрид, внесол невистинити податоци. Тоа го направил без согласност од туристичкиот водич, со неовластено користење на личните и службени податоци како и со фалсификување на личниот потпис, информира Стефан Димоски, портпарол на СВР Охрид
Потоа, лажниот договор го пуштил во правен сообраќај како да е вистински, пријавувајќи се на тендер односно јавен оглас за организирање на меѓународна екскурзија, додаде Димоски.