Скопје и Софија ќе се фокусираат на двоцифрен раст на трговската размена, побрзо железничко поврзување и воведување сезонски авиолинии во функција на развојот на туризмот.
Ова се договараше на заедничката седница на меѓувладината мешовита економска комисија беше прва по пауза од 10 години.
Министерот Жељазгов потврди дека Бугарија е посветена, пругата Скопје-Софија да биде реалност до 2025-26-та ,но исто така и да се реализираат планираните интерконекциски поврзувања меѓу Петрич и Струмица, на гасоводните и на електропреносните системи меѓу двете земји. Во функција на раст на туризмот било разговарано и за воведување сезонски авиолинии Скопје – Софија и Охрид –Варна. Министерот Бектеши очекува двоцифрен раст на трговската размена ,а веќе се работи на олеснување на административните царински процедури.
Бугарија е шести надворешно трговски партнер на земјава, а лани биле тргувани производи и услуги вредни 750 милиони долари.