Деветгодишниот Матеј e најмладиот туристички работник во Охрид

Деветгодиниот Матеј Јованоски од Охрид е  најмладиот туристички работник .

Тој работи на катамаранот кај неговиот дедо. Неговата задача е да анимира туристи , да дели флаери,  да ги нуди панорамските крстарења на пловилото.

Да ги убеди гостите да се возат со катамаранот. За возврат заработува дневница со која си купува  што сака.

-„Јас барам гости за возење и ги возиме. Инаку за 1 Мај има многу туристи  бидејки сите идат за празникот овде. Најчесто возиме кружна тура овде до Канео и Титовата резиденција. Посебно да сакаат да си резервираат за Свети Наум, да си изнајмат приватен катамаран и бараат ,многу да им се објаснува“, вели Матеј Јованоски.

Помага и при испловување и при  паркирање. При влез и излез на гостите.  А кога ќе порасни на планира да го вози катамаранот. Неговиот сон е да има сопствен катамаран.

-„Газдата на дедо му е братучед. Да јас учам занает јас на 15 ќе го возам катамаранот. Исто така тука во средната зграда имаме апартмани и за тука барам гости и си земам дневница“, вели  малиот Јованоски.

Инаку, огромен број странски и  домашни туристи Велигденксите и  Првомајските празници  ги минуваат  на брегот на   Охридското езеро. Традиционално деновиве најбројни се  гостите од Србија, Бугарија, Грција, Албанија, Косово, Црна Гора, но  и многу туристи од земјава.

-„Охрид е прекрасен ни се допаѓаат луѓето и храната“, вели еден гостин од Грција.

–Предмалку дојдовме во Охрид. Многу ни се допаѓа убав е гардот луѓето се гостопримливи. Тука остануваме два три дена ќе ја посетиме и Струга и Скопје. Сум бил во Охрид пред 40 години. Денес е многу поинаку, само стариот град е ист“, вели гостин од Косово.

–Ќе бидеме во градот и Свети Наум  два денови. Пријатели кои доаѓаа овде ни го препорачаа Охрид и затоа дојдовме, вели туристика д Црна Гора.

-„Добра препорака сите Црногорци многу ги сакаат Македонците и затоа сакаме  да доаѓаме овде. Јас сум втор пат во Охрид. Првиот пат впечатокот  беше одличен“, вели гостинка од Црна Гора.

–Прв пат доаѓаме во Охрид  народот е добар гостопримлив. Че одиме на крстарење тоа ни го фалеа. Имаше некоја поволна понуда во агенциите за 1 Мај и така одлучивме да дојдеме во Охрид, вели турист од Србија.

Гостите уживаат во природните убавини, во познатите  излетнички места и на плажите  вдолж Охридското езеро.  Најголемиот дел од странците ги посетуваат   културно историски споменици, црквите и музеите.

Новинар Соња Рилковска