ФОТО: Прекрасно музичко доживување со Четкар

Познатиот македонски џез гитарист и автор од Охрид Владимир Четкар, вчера на градскиот плоштад „Свети Климент Охридски“ приреди вистинско музичко доживуање. 

Дождот и тмурното време не ги спречи бројните посетители да уживаат во неповторливите звуци и шоу на Четкар. 

Тој настапи со својот џез, соул и фанк-ансамбл, во кој членуваат Ѓоле Максимовски, бас-гитара, Филип Стевановски, тромбон, Виктор Филиповски, тапани, Демир Кантуровски, труба, Игор Величковски, саксофон, Ратко Даутовски, перкусии, Филип Димисковски, клавијатури и Сара Николовска и Ана Костадиновска, придружни вокали.

Четкар долги години живее во Њујорк, САД, и настапува во светски познати џез-клубови. Тој е чест гостин на многу музички настани низ светот, а пред неколку години во рамките на својата светска турнеја одржа концерти и во Хонгконг, Кина, Јужна Кореја и во Сеул.