Полициската акција била изведена кај Пештани.
Охридската полиција посветена и во борбата против рибокрадството. На 27.01.2020 година во 19,45 часот, при преземени мерки на подрачјето на населбата Пештани, полициските службеници запреле патнички автомобил „Рено“ со охридски регистарски ознаки.
– Притоа, од возилото, излегле две лица и започнале да бегаат по што исфрлиле една вреќа со 2 риболовни мрежи и 20 парчина риба Охридска пастрмка а по преземени мерки, констатирано е дека патничкиот автомобил е управуван од И.Л.(56) од Пештани, изјави Стефан Димоски, портпарол на СВР Охрид.
Риболовните мрежи и уловената пастрмка, се предадени во Хидробиолошкиот завод. СВР Охрид работи на целосно расветлување на настанот по што ќе поднесе соодветна пријава.