Се поголем е бројот на казнети за неносење заштитни маски.
Според статистичките податоци на МВР, во изминатото деноноќие, на подрачјето на СВР Охрид, полициските службеници констатирале 77 прекршоци за неносење лична заштита на лицето (Охрид-52, Струга-12, Кичево-13,).
– Ним им се издадени прекршочни платни налози за сторен прекршок по член 6 став 1 од Уредбата со законска сила за носење лична заштита на лицето заради спречување на ширење на заразната болест Ковид 19, информира м-р Стефан Димоски, портпарол на СВР Охрид.
Воедно, полициските службеници самостојно, но и во координација со Државниот пазарен инспекторат, извршиле 20 контроли врз угостителски и други објекти.