Командантот Роберт Бауер во посета на музеј „Филеви“

Командантот на вооружените сили на Кралството Холандија  адмирал  Роберт Бауер во придружба на македонскиот Генерал-потполковник  Васко Гјурциновски, го посетија  Музејот и работилницата за Охридски бисери Филеви.

„Покрај непроценливите културни и природни реткости на Охрид и  Македонија  Бауер го запознавме со традицијата,историјата,техниката на Охридскиот Бисер. Се потсетивме на времето и  ја погледнавме сликата и репликата на моделот во музејот кој го изработил мојот дедо Михајло Филев ,кога во 1958 год. Јосип Броз Тито и го подарил  на Холандскста Кралица Јулијана како посебен симбол и бренд на тогашната  бивша Југославија од Македонија“, вели Михајло Филев.

Најпознатиот изработувач на оригинални охридски бисери, семејството Филеви речиси еден век достоинствено ја презентираат македонската култураширум светот.