Охриѓанец фатен со марихуана во автомобил.
На 07.10.2020 година на булевар „Туристичка“ во Охрид, полициски службеници го лишија од слобода Н.М.(45) од Охрид. При преглед на патничко возило „Фиат Мареа“ со струшки регистарски ознаки, во кој се наоѓал, пронајдени и одземени се марихуана и семки од растението Канабис сатива. Н.М. е приведен во полициска станица и по целосно документирање на настанот против него ќе биде поднесена соодветна пријава, информира портпаролот на СВР Охрид Стефан Димоски.