Охридскиот пироман доби кривична пријава.
Полицијата го фати пироманот што опожари две возила пред познат охридски хотел. Поради постоење основи на сомнение за сторено кривично дело „предизвикување општа опасност“, СВР Охрид поднесе кривична пријава против А.Г.(23) од Охрид.
– Тој, на 25.03.2021 година околу 22 часот, запалил две патнички возила, „Опел Виваро“, со охридски регистарски ознаки и „Сеат Ибица“, со скопски регистарски ознаки, паркирани пред хотелски објект во Охрид, изјави м-р Стефан Димоски, портпарол на СВР Охрид.
