На 27.03.2021 година од 10 до 17 часот на подрачјето на СВР Охрид извршени се зајакнати контроли во сообраќајот.
Притоа, регистрирани се 46 пречекорувања на дозволената брзина на движење (Охрид-12, Струга-24, Кичево-10), а кај 03 возачи во Охрид утврдено е дека управуваат автомобил под дејство на алкохол. Тие се исклучени од сообраќајот, одземени им се возачките документи и се соодветно санкционирани. Полициските службеници во Охрид санкционирале 05 возачи поради непрописно паркирање на моторно возило, во Струга подигнати се 06 моторни возила непрописно оставени на коловозна лента, а во Дебар евидентирани се 04 пешаци кои небезбедно и надвор од пешачки премин преминувале коловозна сообраќајна лента, информира портпаролот на СВР Охрид Стефан Димоски.